أنا وحبيبي والغرام
[ندعوك للتسجيل في المنتدى أو التعريف بنفسك لمعاينة هذه الصورة]هبدأ منين الحكاية بالشكوى منك ولا ليك؟
والعاشقين لو يلوموا هيكون عليا أو عليك؟
خلتنى كل ما أشوف عينيك أدوب م الحب فيك
خلتني لما ألمس إيديك أشتاقلك وأحن ليك
وكل ما آجي أكلمك انسى الكلام وأتملى فيك
خلتنى أحب وحدتي إللي فيها خدتني ليك
أسرح معاك تضمني تحس بيا وأحس بيك
وأي ذكرى حلوة ليا أفتكرها بس بيك
وكل ما سمعت إسمك ألتفت أنده عليك
بس قلبي ذنبه إيه فى العذاب إللي مآسيه؟
طال غيابك عنه ليه بتحبه ولا بتجافيه ؟
لو كنت عشت وحدته ودقت يوم لوعته لحنيت إليه
ولا رضيت يوم بدمعته واشتقت له وجريت عليه
ياللى خليت الغرام بالبعاد يهجر حياتي
ياللى مليت العين سهاد ليه حليت لك آهاتي
والصبر ليه تنصحني بيه والصبر اصبح من سماتي
والغرام أقولك عنه إيه ياللى ماسهرتوش ليلاتي
ويسألوني عليك يا قلبي بعد بُعده عملت إيه ؟
خايف يلوموني عشان ما سيبته ولا قدرت يوم عليه
ياقلبي هو عاملك إيه عشان تسامحه وتراضيه؟
يهجرك يزيد غرامك وينساك تحن ليه
هو العذاب في القلب يجرح ولا بيحيي الحب فيه؟